A cidade de Vigo acolleu o pasado día 9 de marzo un concerto de homenaxe á figura de Rogelio Groba, organizado pola Fundación Rogelio Groba e a Orquestra de Cámara Galega en colaboración coa Sociedade Filharmónica de Vigo. Na primeira parte do concerto interpretáronse obras do compositor hoenaxeado, concretamente a suite barroca “Intres boleses” e mailo ciclo para orquestra de cámara “Polas rúas de Ponteareas”. O programa completouse na segunda parte co “Souvenir de Florencia” de Tchaikovsky. Con este concerto, que contou cunha nutrida asistencia, a Sociedade Filharmónica de Vigo tamén quixo sumarse á celebración do 80 aniversario do compositor que se está a desenvolver ao longo de todo o ano. |
